Վիագրայի անընդհատ օգտագործումը ընկճախտ է առաջացնում

Որոշ երիտասարդներ, անտեսելով բժիշկների խորհուրդները, ինքնուրույն են ընդունում էռեկցիոն ֆունկցիաների խանգարման դեմ դեղամիջոցներ: Սա պարզել են մի խումբ գիտնականներ ուսանողների շրջանում անցկացված ուսումնասիրության արդյունքում: Պարզվել է, որ նրանց շուրջ 6 տոկոսը դեղամիջոցներ են ընդունել: Հատկանշական է, որ ինչքան շատ են նրանք դեղամիջոց ընդունել, այնքան վատ է եղել նրանց սեռակայն կյանքը, տեղեկացնում է «Discovery news»-ը:

Գիտնականներից Քրիստոֆեր Հարթի կարծիքով, այն տղամարդիկ, ովքեր հաճախ են ընդունել դեղամիջոցներ, սովորական մակարդակի սեռական կյանք են ունեցել: Սակայն ժամանակի ընթացքում նրանց մոտ իրավիճակը փոխվել է, և նրանք վստահ չեն եղել, որ կարող են էռեկցիան պահպանել: Ահա այս և դրանից բխող այլ տհաճ զգացողությունները վատ ազդեցություն են թողել հակառակ սեռի հետ սեռական հարաբերություններում:

Գիտնականներն այդ ամենի արդյունքում եկել են հետևյալ եզրահանգման՝ դեղամիջոցներով փորձարկումները բերել են նրան, որ նյարդային համակարգի աշխատանքները դժվարացել են և ավելի շատ զարգացրել են անհանգստություն, ընկճախտ: Գիտնականները նաև հավանական են համարում այն, որ անհանգստությունը երիտասարդներին դրդել է, որ նրանք այդպիսի դեղամիջոցներ ընդունեն: Օրինակ, բավական է մի քանի անհաջող սեռական հարաբերություն, և մարդիկ սկսում են անմիջապես կախման մեջ ընկնել Վիագրայից:

Հարցեր, պատասխաններ, մեկնաբանություններ